اولا بالنسبه للتقديم
لازم يكون يا اما مخلص ثانويه عامه او دبلوم من 5 سنوات او اكتر ويكون مخلص موقفه من التجنيد
يا اما يكون خريج نفس عام التقديم من الثانويه العامه فقط وده نظام جديد
كليات فيها بيبقى القبول عادى وكليات لازم مقابله شخصيه واختبار مستوى
المصاريف على حسب المواد بس اعتقد الترم بحوالى 900 جنيه بالكتب
وسنين الدراسه 4 سنين كحد ادنى
بصراحه التعليم المفتوح احلى نظام فى مصر بجد
ورائع جدا شئون الطلبه كلها الكترونيه عن طريق النت ومفيش اى تكدسات ولا زحام وامور منظمه جدا
كمان فى مميزات كتير اوى زى ان فى موضوع اسمه الترم البينى وده عباره عن
ترم داخل الترم تقدر تمتحن وتذاكر فى نص الترم مدتين ويبقى كده اخرجتهم من
حساباتك ومن ضغط المزاكره
كمان الدراسه محضرات فى الجامعه وفى التلفزيون وفى النت وفى سى دى وكمان فى مجموعات تقويه
لا يوجد رسوب ونجاح فى السنه الدراسيه ولكن فى نجاح فى مواد وانتقال لمواد
اخرى بمعنى ان لو جبت 3 مواد ونجحت فى 2 الترم الى بعده تاخد مدتين جداد
معا ال3 الى معاك وهكذا وفى احر ترم فى الدراسه ممكن تاخد كل المواد
المتبقيه ولو 11 ماده
حجات كتير ومميزات اكتر التعليم المفتوح اعتقد ان لو اتطبق فى الجامعات كلها هيحدث نوع من التقدم فى الدراسه والتنظيم